TANA - BANA

                                                                Swatantrata Divas ke Masarambh par sabhi Bharat Basiyun ko dher sari badhayi .Aaj ke is pawan mah mein hum log yeh Sankalp lein ki "Apne Pyare Bharat ko Sahej kar rakhenge .Aur hamare Mahan purvaj jo sapne dekh kar gaye hain,unko Pura karenge." Sapna tha Vikas ka.Sapna tha Aatmnirbharta ka .Sapna tha Pratyek bhartiyon ke haath mein Rojgar hone ka.Bahut hi shant dhang se yeh sochne ka waqt hai ki kya yeh sab hum kar paye hain ? Kya pratyek Privaar ko Roti,Kapra aur Makan haasil ho paya hai ? kya Pine ke Pani ki byabastha ho payi hai ? Kya sabhi bachche ko schooli-shikha ki subidha haasil ho payi hai ?Agar nahi kar payehain to kyu ? Aakhir kaun si badhayen hai Jo archane daal rahi hai is Mukam ko Prapt karne mein ? Kahin aisa to nahi ki hum wah Hashil hi nahi karna chah rahe hain Jiski parikalpna Azaadi ke dauran ki gayi thi ? Jiski aas mein Bharat maa ke veer saputon ne Balidani di thi.

                                                            Rajeev Gandhi ne 1985 mein Orrisa ke Akalgrast  KALAHANDI ka daura karte hue Desh mein faile hue bhrastachar ka jikra karte hue kaha tha ki " Kendra Sarkar agar EK Rupiya Janata ke kisi kaam ke liye bhejti hai to wah EK Rupiya yahan (Janata) tak aate-aate 17 Paisa me badal Jaati hai." Aakhir wah 83 Paisa kin Jeb tarason ke haath mein chali jaati hai ??? kya un haathon ko pakra jaa saka hai.? Sayad nahi... aur sayad kyu ??? Sach much mein nahi pakra gaya hai.upar se lekar ke niche tak Bandar-baant Jaari hai.Kaun kisko pakrega sabhi "Mausere-Bhai" hain.Itihaas gawah hai ki us Desh ki madad Ishwar v nahi karte hain Jiska Karta-Dharta Akarmanya ho.Hindustan ko log  " Niro ka Rome "banana chah rahe hain.wah bhul gaye hain ,Yahan Krishan ki Murli bajti hai--- Karmyog ka Path Padhaya jata hai.Akarmnayta ke Geet nahi."HOSH MEIN AAO DUNIYA WALON HINDUSTAN HAMARA HAI." Chikh-chikh kar haasil ki gayi Azaadi--- aur Azaadi ke piche ke mansubon ko aise hi jaya hone nahi diya Jayega....


                                                          Aaj ke Yuva Jaag gaye hain aur parinam samne hai 15bi  Lok sabha mein 79 Saansad 40 vars se kam umra ke hain.Ab agar yeh Yuva Saansad chahen to pura ka pura parivartan laa sakte hain.aur Vikas ki kiran samaj ke antim paydan pe khare byaktiyon tak pahuncha sakte hain.KARMYOG ki abdharna ko falibhut karne ka waqt ab aa gaya hai." MAT CHUKO CHAUHAN "...ki ranniti apnanai hogi. Nahi to Azlahon aur Baazon ki Nazar Bhartiya vasundhra par hai.Isliye sab se pahle bhukhe pet ki byabstha kari hogi."Roti , Kapra aur Makan" manav ki mulbhut Jaruraton mein aata hai.Swaksh Jal uski jarurat hai. 50 saal se kya hua hai iske piche Rone ki Jarurat nahi hai.vikas ke daur mein agar aage badhna hai to suruaat karni hi hogi.Aur yeh sirf SARKAR ke bharose nahi ho sakta hai. iske liye Bare-bare udhyogpatiyun ko v samne aana hoga.


                                                       Hindustan ke un kuch Rajyon mein Udhyog-Dhandhe jahan abhi tak koi bari Ikaai nahi lagi hai .yaa phir lagi v hai to band hone ke kagar pe hai. Wahan Bare Projects lagane ki jarurat hai.Sarkari Sanrakhshan ki baat to hamesha ki jaati hai .lakin sirf sanrakshan ki aas ka hi intezar karna Pichrepan ko aur badhane ke barabar hi mana jana chahiye.Bare Udhyogpatiyon ko yeh sochna chahiye ki hashiye par khare aadmi tak agar wah koi Rojgar nahi pahuncha sakta hai to Government se kisi v tarah ki chut ya subsidies lene kaa use koi hak nahi hai.Aakhir sirf un Rajyon mein hi bare-bare Projects suru karne ke kya mayne hain jahan pahle se hi kai Kal-Karkhane Drut gati se chal rahe hain. Bihar,W. Bengal,Uttarpradesh,, Madhya pradesh,Chattisgarh,Orissa ke sudur dehaton se log Surat,Alang,   Ahemdabad,Mumbai,Daman yaa Asam ke chai bagano mein kyu Jaate hain.?Jahan aaj kal inka Jaan-mal v surakshit nahi rahta hai.Kya kabhi socha gaya hai ki is bare mein ye kaamgar log kya kahte hain..!!!" Babu yahan rahbai ta Bhukh se marbai... aur huan goli se." Bhukh se ta Roz marel partai, Lakin goliya se ta ekke din nai." Goli par havi hai Bhukh..."


                                                       Swatantrata Aandolan ke samay to pura Bharat Azaadi ki larayi Ek ho kar ke lara tha .Par aaj kya baat ho gayi hai ki Maharastra se, Asam se, Karnatka se, aur ab to Gujrat se v yeh Natak suru ho chuka hai --- Kaam ke talash mein gaye logon ko mar- pit kar bhagaya jaa raha hai.Dhundhne par karan jyada Dur nahi karib mein hi milega Gair Yojna-badh Vikas ---. Sarkari Yojna kuch khas Rajyon tak hi simat kar rah gayi hai. Punjab mein Nahron ka Jaal sa bicha diya gaya tha lakin Aaj wahan ki bhumi mein lavanta ki matra badh gayi hai aur khet karib-karib banjar hone ke kagar pe hain.Yeh hua hai adhik se adhik upaj ke liye andhadhun Khad dalne aur nahari sinchayi byabstha ke hi karan.Kya Nahron ka Jaal sirf aur sirf Punjab ke hisse mein aaye hue Paise ke bal par hi bich paya tha??? Jawab hai nahi. Aap chahen to Yojna aayog ki purani Report ko padh sakte hain.Mehnat Bihar ka kheti Punjab ki.Punjab ke Vikas mein Bihar,U.P ka paisa laga hai. Mumbai ko Aarthik Rajdhani banane mein Bihari Karmyogiyon ka haath hai.aur wahan unhe Bhaiya kaha jata hai wah v koi pyar se nahi Apman janak roop mein!!! Gujrat ke Hira-khadano mein Bihar ke log Mehnat kar-kar ke Gujrat ko Vikas ki Raaste par pahucha diye hain.Aur Haal hi mein wahan ke ek commissioneri ki Adhikari kahti hai ki " Jahan se aaye ho wahin chale Jao" Ye to "Matlab Nikal gaya hai to Pehchante Nahi" bali baat hi hai. Kya kabhi kisi ne yeh socha hai ki agar yeh Bihari kamgar wapas apne Bihar aa jayenge to kaya hoga ??? Vikas ke chakachaundh se jo aankhe chundhiya si gayi hai in Rajyun ki , wahan Dhibri timtimate der nahi lagegi... Bhale hi Sarkari Naukri Jane ke bhay se us Adhikari ne baad mein maafi maang liya ho.lakin yeh sab dastan Vikas ki daur mein aage badh gaye Rajya aur Pichar gaye Rajya ki alag -alag manshikta aur Swarth ko hi batata hai.Agar in sab par rok nahi lagaya gaya to Bharat ki "Ekta aur Akhandta" par Jabardast kutharaghat hi hoga.Yahan aavashyakta hai aise swarthi tatbon par ankush lagane ki . Unhe salakhon ke piche daal dene ki.Taki Desh mein har taraf aman-chain kayam rah sake.


                                                       Bihar mein Vikas ki kaafi sambhavnaye chupi hui hai.Ganga ke Basin mein Petroleum paye jane ke sanket mile hain. Kendra Sarkar ko apne Agencion ke madhyam se inka jald se jald pata laga kar ke Petroleum sanyantra lagane ki karyvahi ko suru kar deni chahiye.Isse Asthaniy logon ko Rojgar v milega aur prati byakti aay  ki bridhi v hogi .sath hi sath Petroleum ke utpadan se Videshi mudra ki bachat v hogi aur Videshi mudra mein kamayi v badhegi . Bihar ki bhumi Kaafi upjaau hai.Kheti mein naye prarup ko v apnne ke liye Kisaano ko protsahit karne ki Jarurat hai.Vikas ki dhara ek saman pure desh mein bahaye jane ki jarurat hai.Aur Jarurat hai Sahi Netritva ki.Akhand Bharat Vikas ke kai Naye Pratimano ko gadhega .Aur "Aane wala waqt Hindustan ka hai,Yuvaon ka hai,Karmyogion ka hai."



                                                     JAI HIND, JAI BHARAT ,JAI YUVA.

Prabhat Ranjan Singh.